Ronnie works

2009-03-10T05:07:00.000-07:00

Maður verður að vera að endurnýja sig stöðugt til þess að staðna ekki. Einnig má ekki gleyma að sinna alltaf öllum þáttum til þess að missa ekki marks á einhverju sviði.

Þríhyrningurinn sem Arnar einkaþjálfarinn minn sýnir mér reglulega er kannski góður reminder. Ég man að vísu ekki alveg hvernig hann er nákvæmlega en snýst í grófum dráttum um að íþróttamaður þurfi að hafa góðan grunn. Mikilvægast og sterkast í botninum er næring, svo koma þol, úthald, styrkur og síðan loksins íþróttin sem maður sérhæfir sig í.

Ég trúi því að ég hafi náð ákveðnum botni í gær og því hef ég frábært tækifæri til þess að spyrna mér vel frá honum.

Ég ætla núna að byrja að borða betur, ætla hætta að borða svona mikið úti, þótt ég fái mér nú í 90% tilfella eitthvað hollt(það er líka svo mikil peningaeyðsla).
Ég er búinn að sinna lyftingum gífurlega vel undanfarið eða allavega sérstaklega hvað sprengikraft varðar. Hnébeyga og Clean.
Það sem vantar er hendur aðeins, mér finnst ég ekki drífa á markið lengur, er hrikalega fyrirsjáanlegur.

Ég verð að sætta mig við það að geta ekki neitt, þannig er staðan bara í augnablikinu, það er líka fínt að vera the underdog, meira að vinna, minna að tapa. Ég fer ómeðvitað að hugsa til þess þegar ég var hryggbrotinn, mátti ekki æfa, horfði eiginlega alltaf á æfingar, eina hreyfingin sem ég fékk var að labba. Ég labbaði allra mína ferða á þessum tíma, með ipodinn minn að hlusta á eitthvað hádramatískt lag eins og eitthva með Bonnie Tyler. Er ekk frá því að ég hafi fundið eld innra með mér, til að koma til baka, sjá og sigra.

Ég þarf að hverfa aftur til þeirra róta.

2009-03-09T14:51:00.000-07:00

Svona á sagan ekki að fara, ég skil ekki hvað er í gangi. Tveir mánuðir af kjaftæði. Maður leggur sig fram, leitar af lausnum, æfir aukalega. Er til of mikils ætlast að vilja fá einhverja uppskeru?
Er ekki eitthvað skrítið að æfa eins og rotta en samt bara hæfilega mikið svo að sýra í vöðva eða önnur þreytumerki geri ekki vart við sig en samt er ég orkulaus. Dríf varla á markið, stend í stað, þegar ég ætti að vera að fara áfram.

Núna hef ég klifrað þetta fjall frá því í lok september, það gekk vel í fyrstu og mér gekk sérstaklega vel. En svo fór að halla undan fæti. Því verr sem mínu liði gengur, því verr gengur mér og öfugt.
Ég trúi á verkefnið, ég er þyrstur, en samt er alltaf eitthvað sem klikkar.
Það er hræðilegt að hafa mætt í 7unda leikinn eftir áramót og vera niðurlægður í 5. sinn af 7 leikjum.

Kveðjustund

2008-09-29T13:34:00.000-07:00

Kæru lesendur,

ég hef ekki í hyggju að skrifa meira hér inn, ég held að það sé komið gott í bili. Maður er farinn að endurtaka sig mikið og fleira og ég bara nenni því ekki lengur. Það er alger misskilningur ef menn halda að ég sé eitthvað að slaka á í æfingum, ég er grimmari en nokkru sinni fyrr.

Ég bið ykkur öll vel að lifa

Rúnar Kárason

Lítið að gerast

2008-08-27T02:02:00.000-07:00

Kannski minna af aukaæfingum í gangi en maður hafði hugsað sér og er ég líka aðeins bara að finna rythmann í nýtilkomnum stundaskrám og fleira.

Ég og Magnús Einarsson sem gekk nýverið til liðs við okkur Frammara fórum í smá skot í gær, alltaf gaman að bera saman bækur sínar við fróða menn og Magnús hefur hlotið góða leiðsögn í gegnum tíðina.

Við vorum nú lengi í gang en enduðum hrikalega vel. Byrjuðum á úlnliðsæfingum í svona hálftíma, þar sem maður stendur einfaldlega á endalínu og reynir að hitta í markið. Síðan æfði ég bara eina skottýpu í viðbót og gerði vel. Maggi æfði tvær týpur.

Það var síðan frí á föstudaginn síðasta og fór ég að sjálfsögðu að lyfta þá. Cleana einu sinni í viku, það er nánast jafn mikilvægt og vatn.

2008-08-20T00:50:00.001-07:00

Ég var kannski aldrei nálægt því að fara með þrátt fyrir að vera einn af fimm örfhentum, eini sem var skilinn eftir. En mér fannst ég vera nálægt því. Mikið andskot sem ég væri til í að vera þarna með þeim.

Þriðjudagur

2008-08-19T10:23:00.000-07:00

Ég, Einar Ingi og Davíð tókum smá skot í hádeginu, hituðum upp og fórum síðan fljótlega að skjóta, þetta var ekkert rosaprógramm og aðallega að rifja upp og fá aðeins betri tilfinningu. Frá litlu að segja eiginlega.

Vorum frá 1130 til 1300, eða ég var til 13 strákarnir fóru aðeins fyrr. Ég tók aðeins þungan bolta úlnliðsæfingar í lokinn.

Mánudagur

2008-08-19T10:11:00.000-07:00

Tók smá extra á mánudagsmorgunn. Byrjaði 11 út í Fram, þar sem ég tók varnarskref fyrir. 40 mínútur í því, ýmist æfingar með teyju milli lappana eða án. Tók einhverja fjórar æfingar með teygjuna á milli.

Fintur frá hliðarlínu í hliðarlínu, 2svar fram og til baka
Varnarskref fram og aftur hliðarlína í hliðarlínu 2svar.

Svo tók ég fjórar keilur og stillti upp í kassa ca. 2 fermetrar og gerði hliðarskref, varnarskref í frímerki. 3 hringir 3svar sinnum.

Endaði síðan á varnarskrefs sprettum, hliðarlínu í hliðarlínu fyrst ein ferð fram og til baka, 30 sek í pásu. 2 ferðir, mínútu í pásu og svo loks 3 ferðir.

Eftir það teygði ég á fótunum og fór síðan niður í silfursport. Þar sem ég lyfti á bicep og tricep frekar basic æfingar og svo cleanaði ég frá gólfi 4 sett 5 3-5 endurtekningar.

Youtube

2008-08-16T02:25:00.000-07:00

Hrikalega góður þáttur um 4 NBA gæja og hvernig þeir æfðu í sumar, eða hvort það er seinasta sumar.

partur 2 síðan

og svo þrjú

þetta eru einhverjar 25 mínútur, mæli með þessu, virkilega gott efni.

2008-08-15T05:44:00.000-07:00

Vildi láta lesendur vita að sökum óhentugra vinnutíma þá var æfingamadnessi frestað um viku. Frí í næstu viku og þá hefst hasarinn.

Good day

I am him

2008-08-12T04:41:00.000-07:00

Ég mætti á æfingu í gær 1820, aðeins að lyfta eftir langt frí. Þarf alltaf að lyfta vel á upphandleggin því ég er með ofteygðan bicep sem lýsir sér í því að ég fæ alltaf tennisolboga ef ég er ekki að hlaða byssurnar í hverri viku.

Ég tók því þrefalt sett af amerísku byssunum.

Tók einnig þrefalt sett af tricep, með handlóð.

Svo tók ég þrefalt sett af nýrri æfingu sem ég sá einn snilling gera mikið af í sumar. Þá tekur maður 5-6 kílóa handlóð í hvora hönd og tekur baksunds hreyfingar með höndunum. Hrikalega góð æfign verð ég bara að segja og nýtt uppáhald mætt.

Nú er ég í síðustu vikunni að vinna og eftir það skapast töluvert meira svigrúm til æfinga. Þá er fyrsta æfingamót að hefjast í næstu viku og fer óðum að styttast í tímabilið.
Ég get varla beðið.

Around the world and back again

2008-08-11T07:15:00.000-07:00

Nýtt season, nýr metnaður.

Sumarið að renna sitt skeið og líður að tímabili. Eftir 3 vikna æfingar með landsliðinu, byrjaði FRAM og núna fékk ég 5 daga versló helgi, 2 æf og 5 daga köben ferð. Núna er þorstinn og metnaðurinn í botni, two a days og three a days væntanlegt. Bloggið er því komið aftur, þannig að ég hvet alla til að kíkja við og kvitta.

Ég vaknaði fékk mér djúsglas, fór út í 30 mínútna skokk og svo smá náraæfingar og góðar teygjar, ná ferðinni úr mér. frekar lítið auka svona, en það þarf að trappa sig upp.

Stay tuned.

2008-06-26T05:41:00.000-07:00

All right, all right, all right, all right, all right, all right.

Það má segja að sumarið sé tudd eins og það leggur sig. Ég er búinn að æfa nokkuð vel það sem af er sumri, en engu að síður hefur þetta verið nokkuð þægilegt hjá mér, ekki nema svona einn og hálfur klulli á dag.

Ég beilaði á Jón Arnar prógramminu sem var alveg mjög solid ákvörðun held ég, er að rokka jump soles sem er plýómetrískar æfingar sem eru einum of solid stöff. Eitthvað sem frjálsar íþróttir einblína mikið á með íþróttafólki sínu.

Ég er að gera jump soles svona 2-3svar í viku og eru kálfarnir virkilega stífir svo ekki sé meira sagt.

Ég er að worka líka netta brennslu með þessu, bæði að taka langahjólatúra og svo að skokka í svona 30 mín.

Annars hlóð ég niður 2 Jordan myndum um daginn. Þessir NBA gæjar æfa svo ómannlega að ég hreinlega skil ekki hvernig það er hægt, skil það ekki. Svona 2-3 æfingar á dag í svona 1 og hálfan til 3 tíma í senn. Maður þarf að koma sér í svoleiðis pakka.

Annars er það að frétta að ég ætla að minnka jumpsoles niður aðeins og byrja að fókusa á axlirnar með og einnig almennar tækni og styrkaræfingar fyrir handboltan, fittur, drippl og svo vinna með medicine bolta varðandi axlastyrk og fleira.

Ég er búinn að kaupa mér fullt af æfingagræjum, undanfarið og í gegnum tíðina, þarf að sýna ykkur þetta dót. Ætla síðan að útskýra jumpsoles aðeins betur fyrir ykkur og sýna prógrammið betur og fleira.

Allt að gerast...

later

Sumaræfingar

2008-06-03T15:51:00.000-07:00

Offseason workouts hafnar. Ég ætlaði eins og ég sagði að taka Guðjón Vals prógrammið frá Jón Arnari en ég hætti við. Hentar mér ekki. Ég er byrjaður á jump soles sem er virkilega skotheldur pakki. Jump soles hentar svona hlussu eins og mér, maður þyngist lítið sem ekkert en bætir sprengjuna slatta. Þetta tekur þrjá daga í viku og svo er ég að vinna með axlastyrkjandi æfingar hina tvo á milli.

Þessa tvo þá tek ég til dæmis bekkpressu með handlóð og flug beint í kjölfarið. 10 reps af hvoru, sem sagt 2*10 og það þrisvar.
Síðan tek ég líka amerískar byssur, þá tek ég byssur með stöng og geri 10 hálfa leið upp og síðan 10 stutt hreyfing fyrir ofan 90 gráður og svo 10 langar hreyfingar. 3*10. 3svar sinnum.
Svo tek ég líka Karl Malone 3 in 1 þrisvar sinnum.

Þá tek ég líka axlaræfingar með teygju og einhverjar armbeygjur.

Jump Solesið er samt þrælmarkvisst og ég sýni kannski prógramm seinna.

2008-05-03T06:13:00.000-07:00

Ég var kominn í sumarfrí gær áður en leikurinn hófst. Ég skammast mín fyrir síðustu leiki hjá mér. Núna langar mig bara þvílíkt að bæta fyrir þetta djók. Sumarið verður tekið með trompi, ég ætla að koma mér í miklu betra hlaupa form en ég er í núna
og svo ætla ég að lyfta eftir prógramminu sem Guðjón var í hjá Jón Arnari.

Stefni á að æfa svona 5-6 í viku og verða 3 æfingar af þessum lyftingar æfingar, hinar verða hlaup, varnarkeyrsla og liðamótastyrkjandi æfingar.

Mikill léttir að þetta tímabil er búið. Mikið búið að gerast og mikið áreiti, þetta hefði getað orðið klassa tímabil, meiðsli lykilmanna ásamt því að ungverski þjálfarinn okkar var bara fáranlegur eyðilögðu þetta fyrir okkur. Feri eyðilagði tímabilið vikuna fyrir bikarúrslitin og þetta hefur bara ekki verið það sama eftir þann leik.

Ég setti mér háleit markmið fyrir þetta tímabil og ég að mínu mati búinn að ná þeim öllum.

Ég lærði helling á þessu seasoni og þótt kallinn sé spes þá voru fullt af góðum punktum hjá honum, ætli hans helsti veikleiki hafi ekki verið að hann þekkti ekki sýna veikleika.

Hann sagði við mig þegar hann var að horfa á æfingu hjá okkur eftir að hann var rekinn að ég gæti spilað vörn þegar mig langaði til. Ég þarf virkilega að taka varnarvinnuna í gegn, enda er hún bara í lagi í svona einu af hverju 5 tilvika og það er ekki nógu gott.

Nike Sparq

2008-04-27T14:51:00.000-07:00

NIke Sparq

Klikkaðu á Nike Sparq hérna að ofan, þetta er ný lína frá Nike sem er í raun bara æfingabúnaður eins og maður hefur séð í þessum helstu youtube myndböndum, hrikalega ferskt og gott. Allt tæki og tól til að bæta snerpu hraða, viðbragð. Síðan það besta er að á nike síðunni eru æfingakennslu myndbönd, undir handleiðslu þjálfara sem sýna æfingar og hvernig á að nota þessar helstu græjur. Myndböndin eru í fáranlega góðum gæðum, ásamt því að æfingarnar eru bæði góðar og vel útskýrðar. Ég snar mæli með því að þið tjekkið á þessu. Þið sem sagt getið klikkað á Brandon Roy dæmið eða þá get quiker og allt það, þá koma nokkur myndbönd.

Ef þið eruð alveg heilluð og viljið kaupa græjur þá er þetta að finna á þessari síður hér sem heitireastbay.com ég hef marg oft verslað við þá síðu og er það alger klassi. Enjoy

Franchise player

2008-04-11T08:36:00.000-07:00

Ég er stór aðdáandi NBA deildarinnar, conceptið finnst mér frábært. Stjörnudýrkuninn og tilþrifaþráin er æðisleg í alla staði. Ég las ESPN blaðið þegar að Greg Oden og Kevin Durant voru í draftinu fyrir NBA í fyrra. Þar var viðtal við Kevin Durant og það var ein lína sem mér finnst geðveik sem hann sagði.

I've been training to be a franchise player my whole life

Klikkið hér til að lesa betur um franchise player skilgreiningu. Í grófum dráttum er franchise player bara leikmaður sem leikmannahópurinn er byggður í kringum. Þessi leikmaður getur líka gert allt, lið hans leitar til hans og þessir mestu sigurvegarar(lesist Micheal Jordan) klikka nánast aldrei.
Annað kvót, Jordan útskýrir þetta fyrir okkur, þetta er nokkurn veginn rétt man þetta ekki orð fyrir orð.

What ever that needs to be done I do it, offence, defence, scoring, blocking, passing, as an individual I want be there for my team

Ég er eins og Kevin Durant, training to become a franchise player

There is no worth living if you can't do a deadlift

2008-04-08T02:46:00.001-07:00

Það sem hefur verið að hrjá mig núna eftir áramót er fyrrverandi þjálfarinn okkar. Ég nennti ekki að fara út í Fram að skjóta út af því að þá kom feri og skipti sér að því. Hann vill stjórna öllum skrefum sem maður tekur á æfingu, ég nennti ekki að gera aukaæfingar með því líka.
Þetta fór gífurlega í taugarnar á mér í langan tíma, ég var bara farinn að springa reglulega úr pirringi sem er ekki líkt mér. Ég tjúnaði mig því niður, ég varð andlausari en ég er, fagnaði engu, hafði engann vilja þannig til að vinna fyrir þjálfarann. Ég varð líka andlausari bara til að vera ekki pirraður, ef mér er sama, þá hefur þetta ekki áhrif.

Ég spilaði samt meira núna í 3 umferð. en ég hef gert í vetur, meiðsl hjá byrjunarmönnum komu mér vel, spillega séð. Ég náði bara að nýta tækifærið vel. Sjálfum fannst mér ég ekkert spila neitt frábærlega en ég skoraði slatta, var frekar stöðugur í því. Skilaði mörgum mörkum, sem er þó eitthvað. Ég var valinn í úrvalslið umferðar 15-21 sem er viðurkenning á því.

Ég einhvern veginn reyni að hlusta á alla sem reyna að leiðbeina manni, en það eru alveg furðulega margir sem gera það. Sama hversu vitlausir menn eru, þá geta þeir sagt manni eitthvað sem nýtist allt að því ótrúlega vel. Feri má eiga það að hann er fínn einstaklingsþjálfari, ef ekki bara mjög góður, fyrir skyttu eins og mig. Hann er líka mjög góður í líkamlega þættinum. Ég tók fullt frá því sem hann hefur sagt.

Ég hef líka lært að halda mínu striki, ég var í nonstop hugarbaráttu vegna þessa þjálfara og bullshittinu sem hann var að segja okkur. Núna undanfarið hef ég bara náð að spila fínt og lifa æfingar af bara mjög vel, meðan að pirringur hefur vaxið hjá öðrum leikmönnum, það er ég ánægður með hjá sjálfum mér. Ég hef því náð að halda mínu striki, orðinn stöðugri í mínum undirbúningi fyrir leiki. Maður á alltaf að vera að bæta sig, þetta er held ég bara þáttur í því.

Nýr þjálfari nú í brúnni og allt annað andrúmsloft.

Þetta var þessi ástæða, ég get ekki haldið úti æfingadagbók ef ég æfi ekkert aukalega. Eins og ég segi verður sumarið meiri tími til að fylgjast með. Ég ætla mér að æfa fruntalega vel. Ég er núna kominn með prógrammið sem Guðjón Valur notaði frá Jón Arnari sem tröllreið öllu fyrir 2-3 árum. Það er komið í background á tölvunni minni og ég er ekki frá því að ég hlakki til að tímabilinu ljúki bara því ég hlakka svo til að byrja að lyfta.

Ég hvet ykkur til að kíkja hér inn reglulega en ekki á hverjum degi. Það er liðin tíð.

Reality Check

2008-03-26T07:32:00.000-07:00

Það er fínt að fá smá reality check reglulega. Ég var úti um páskana með 88 liðinu, ég get ekki sagt að stjarna mín hafi skinið(er þetta rétt skrifað?) skært. Áttaði mig bara á því hvað ég á langt í land og hvað ég á mikið inni. Mér finnst ég eiginlega bara mjög slakur. Mér finnst ég eiga að geta verið yfirburðamaður en ég er ekkert nema bara sæmilegur og þessi hroki minn jafnvel ekki að gera nógu góða hluti.

Þannig að best er að rifja upp það sem Sókrates sagði: "ég er örlítið gáfaðari en allir í þorpinu útaf því að ég geri mér grein fyrir því að ég viti ekki neitt, þess vegna þykist ég ekki vita það sem ég ekki veit og veit því meira en hinir"

Æfingaálagið með landsliðinu fór ekki alveg nógu vel í mig, ég fékk í fyrsta sinn í öxlina á ferlinum og er að losna við það núna smátt og smátt. Líkami minn er orðinn eitthvað lúinn finnst mér enda hefur tímabilið mitt verið langt og strangt. Ekki nema einn og hálfur mánuður eftir. Eins og ég segi og þið hafið lesið þá er ég búinn að setja líkamann í mikið álag á þessu tímabili. Það hefur klárlega skilað sér enda hef ég náð að koma mér í gott form eftir meiðslin og risið úr því að eiga ekki að spila handbolta áfram og í það að vera valin í b-landslið.

Ég upplifi það þegar ég spila með jafnöldrum mínum að ég er á eftir þeim. Ég á meira inni en þeir og það er bara spilæfingin. Allir þessir strákar hafa verið að spila 2 leiki í viku síðast liðin 3 ár en ég ekki. Tvö tímabilin áður en ég meiddist spilaði ég bara með meistaraflokki, 20 mín í viku. Ég held því að þegar ég næ þessum strákum í spilæfingu þá verði ég töluvert sáttari með mig sem handboltamann. Það er líka allt að koma, enda hef ég spilað núna 6 leiki á síðustu 2 og hálfri viku.

Ég fór að lyfta áðan. Teygði líka smá, það þarf að sinna þessum vöðvum. Ég er þá kannski ekkert hættur, ég nenni samt ekki að gera þetta af einhverri skyldurækni, þið megið endilega kíkja á þetta væl samt í mér. Annars er það bara rúgbrauðið, fyrir fólk sem vill sjúga í sig menninguna.

2008-03-11T05:19:00.000-07:00

ég er hættur með þessa síðu í bili. Nenni þessu ekki í augnablikinu. Ég er þó alveg líklegur til þess að henda einhverju inn hér við og við, en fyrri virkni síðunar er ekki það sem koma skal.

Ég reikna samt með því að fara á fullt með síðuna í sumar og segja frá því helsta sem er að gerast þá.

Einnig mun ég útskýra það í lok tímabils afhverju ég nenni þessu ekki núna.

2008-03-05T09:37:00.000-08:00

ég fór á skotæfingu, skaut í rólegheitunum. Nennti ekki actioni. Mér finnst það líka mikilvægara að vera að fá tilfinninguna. Bara upp á hittnina og svona. Tók allar skot´typu fyrir, útum allan völl og bara svona 5-10 skot af hverri týpu. Kannski svona 100 skot.
Ég bætti svona 50 skotum við með þungum bolta, svipað prógramm. Ég var alveg undarlega þreyttur í hendinni. Þannig að ég gerði minna en ég ætlaði mér.

2008-03-03T09:01:00.000-08:00

Ég er búinn að klikka meira á örlagaríkum stundum núna heldur en ég hef gert allan minn feril. Ég veit ekki afhverju. Ég þarf að taka til og ég þarf að laga þetta rugl.

2008-03-01T10:21:00.000-08:00

ég gæti svoleiðis komið með niðurgang úr kjaftinum á mér núna. Útskýrt tapið á ótal vegu, komið með skíta afsakanir. En það er bara glatað.

Valur vildi meira, einbeittari, grimmari, betra dagsform, betur undirbúnir og kannski ein afsökun, voru með tvo svarta hauka í horni í leiknum.

Manni langar nú mest af öllu að fremja sjálfsmorð núna, enda fátt meira niðurlægjandi eins og að tapa fyrir Val í bikarúrslitum, sérstaklega slæmt þegar þeir voru að rústa okkur. Við náðum þó að vakna, en alltof seint, hefði með smá heppni getað orðið einhver leikur, en það kom ekki.

Þessi vika hjá mér fyrir leikin var hræðileg, ég þarf núna að byrja að æfa aftur að krafti, eða skjóta á fullu og ná mér af þessum nárameiðslum. Koma síðan í góðu formi til þýskalands um páskana þar sem u-88 liðið mun spila undankeppni fyrir EM í sumar.

2008-03-01T01:52:00.000-08:00

"you know what you are, what your made of, war is in you blood! dont fight it, you didnt kill for you country, you killed for yourself, god is never gonna make that go away"

gott John Rambo qoute. Maður getur hreinlega ekki hafnað því sem er okkur blóði borið, Rambó veit það best af öllum mönnum, war is in your blood. Það er bara þannig.

Inches

2008-02-28T06:07:00.000-08:00

Við skitum upp á bak í toppslagnum, hræðilegt alveg, ég var ekkert spes, bara farþegi. Skoraði að vísu eitt mark se ég var hrikalega ánægður með.

Hugsanlega mikilvægasta vika lífs míns hingað til og leikur í kjölfarið á laugardaginn. Ég hef ekkert getað gert aukalega hingað til. Ekki verið hægt. Smávægileg meiðsli í gangi. Pain is temporary, quitting lasts forever er setning sem ég er farinn að hugsa um nánast á hverri sekúndu. Það verður ekki vandamál.

þegar stórir viðburðir nálgast í lífi mínu, leikir eða annað þá leitar hugur minn alltaf á sama stað fyrir mótíveringu. Al Pacino í Any Given sunday.

I dont know what to say really.. three minutes to the biggest battle of our professional lifes. It all comes down to this...

þið vitið hvað ég er að tala um, marg búið að kveða þessa vísu hér.

rug.braud.in

2008-02-23T13:25:00.000-08:00

það er ný síða að tröllríða netheiminum. síðan rug.braud.in, nokkrir félagar að koma saman í lókal djók sem fáir skilja og reyna skilja. Við erum að hýsa síðuna á Indlandi til þess eins og geta boðið upp á góðin braud.in varíanta.

Ég mæli með þessu.

Það er leikur á morgun við Hauka, ég held að hann sé í sjónvarpinu. Verðum að vinna þetta, til að vera á undan val og að jafna hauka. Síðan er bikarúrslitaleikur á lau eftir viku. Ég á eftir að taka skotæfingu og eitthvað fyrir þetta og í raun alveg smurning hvort maður gefi upp eitthvað hvað maður er að æfa, þar sem Valsmenn léttir í lund kíkja reglulega við. Maður veit nú samt aldrei.